Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 206.352 məqalə mövcuddur.

Həftənin seçilmiş məqaləsi

Həsrət Cəfərov — Azərbaycanı təmsil edən yunan-roma güləşçisi; "Paris 2024" — XXXIII Yay Olimpiya Oyunlarının bürünc medalçısı; Avropa Çempionatlarının qalibi (2023 və 2024); Dünya Çempionatının finalçısı (2023).

Həsrət Cəfərov 2023-cü ildə Zaqreb şəhərində (Xorvatiya), 2024-cü ildə isə Buxarest şəhərində (Rumıniya) baş tutan Avropa Çempionatlarında qızıl medalların sahib olub. 2017-ci ildə U17 Avropa Çempionatının, 2021-ci ildə U20 Dünya və Avropa Çempionatlarının, həmçinin U23 Dünya Çempionatının qalibi olub. Avropa Gənclər Olimpiya Festivalı, MDB Oyunları, İslam Həmrəyliyi Oyunları da daxil olmaqla bir sıra beynəlxalq turnirlərin qalibi olub. Karyerası ərzində isə ümumi olaraq mübarizə apardığı 22 beynəlxalq turniri 11 qızıl, 1 gümüş və 7 bürünc medalla başa vurub.

Azərbaycan idmanında xidmətlərinə görə 2024-cü ildə 3-cü dərəcəli "Vətənə xidmətə görə" ordeni ilə təltif olunub.

(Davamı...)

Həftənin yaxşı məqaləsi

Gəncəli Sabahi — Azərbaycanlı yazıçı, nasir, tənqidçi, 21 Azər hərəkatının iştirakçısı.

1937-ci ildə həbs olunaraq Qazaxıstana sürgün edilib. Sürgündən qayıtdıqdan sonra Təbrizə gedib. Azərbaycan Milli Hökuməti dövründə Azərbaycan Dövlət Universitetinin Azərbaycan dili və Ədəbiyyatı fakültəsinin dekanı olub. Milli Hökumət dağıldıqdan sonra həbs olunaraq Luristana sürgün edilib. Sürgündən qayıtdıqdan sonra Təbrizdə yaşamağına icazə verilməyib.

Tehranda yaşadığı dövrdə müxtəlif ədəbi məclislərdə iştirak edib və əsasən ədəbi tənqidçiliklə məşğul olub. İran İslam İnqilabından sonra Tehranda "Azərbaycan yazıçıları və şairləri cəmiyyəti"nin eləcə də "Azərbaycan cəmiyyəti"nin yaradılmasında iştirak edib və "Günəş" jurnalının əsasını qoyub.

(Davamı...)

Həftənin seçilmiş siyahısı

Xorvatiyanın məskunlaşan adalarının siyahısı — Təqdim edilən məqalədə, Xorvatiyanın məskunlaşan adalarının siyahısı 31 mart 2001-ci il tarixinə aid əhali sayına görə sıralanmışdır. Adriatik dənizinin xorvatların nəzarətində olan hissəsi 698 ada, 398 kiçik ada və 78 rifdən ibarətdir ki, bu da Xorvatiya adalarını Adriatik dənizində ən böyük arxipelaq və Aralıq dənizində Yunanıstanın Egey adalarından sonra ikinci ən böyük arxipelaq edir.

698 adadan yalnız 47-də ən azı bir nəfər yaşayır. Bəzi mənbələrdə isə, Xorvatiyanın 66 adasında məskunlaşdığını bildirilir. Lakin bu adalardan 19-u bütün Xorvatiya adalarında yaşanan iqtisadi fəaliyyətin olmaması səbəbindən daimi sakinlərini itirmişdir.

Xorvatiya adalarında Qədim Yunanıstan dövründən məskunlaşdığı məlumdur (məsələn, Hvar adasında e.ə.3500-2500-cü illərdə məskunlaşılmış, Sirakuza kralı I Dionis e.ə.IV əsrdə Hvar və Visdə koloniya qurmuşdur). Bütün adaların əhalisi 1921-ci ildə 173.503 nəfərlə pik həddə çatdı, sonra davamlı olaraq azalaraq 1981-ci ildə, 1850-ci illərdən əvvəlki səviyyəyə endi. Əhalinin azalması tendensiyası yalnız 1990-cı illərdə dəyişildi, əhalinin sayı 1991-ci ildəki 110,953 nəfərdən 2001-ci ildə 121,606 nəfərə qədər yüksəldi.

(Davamı...)

Günün seçilmiş şəkli

Xəbərlər

Rusiyanın Amur vilayətində içərisində 49 nəfərin olduğu An-2 təyyarəsi qəzaya uğrayıb.
Rusiyanın Yekaterinburq şəhərində azərbaycanlılara qarşı baş tutan hücumda 5 nəfər öldürülüb, ən azı 50 şəxs saxlanılıb.
İsrailin İrana hərbi zərbələri (şəkildə) nəticəsində İrana məxsus bir çox hərbi və nüvə obyektləri vurulub, bəzi hərbi və mülki vəzifəli şəxslər öldürülüb.
Hindistanın Əhmədabad şəhərində baş verən təyyarə qəzası nəticəsində 260-dan çox insan həlak olub.
"The Beach Boys" rok qrupunun həmtəsisçisi Brayan Vilson 82 yaşında ölüb.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Xanhüseyn Kazımlı, Ozzi Osborn, Aleksandr Mitta, Şamil Musayev, Roman Starovoyt, Dioqo Jota

Bilirsinizmi?

Yerli inanca görə Smolensk şəhərində yerləşən Maral heykəlinin (şəkildə) tuncdan hazırlanmış cinsi orqanını sığallamaq uğur gətirir.
Andres Eskobar 1994-cü ildə keçirilmiş Dünya Kubokunda ABŞ ilə oyunda topu öz qapısına vurduğu üçün Medelin şəhərində bir fanat azərkeş tərəfindən qətlə yetirilmişdir.
Kolumbiyanın paytaxtı Boqota dəniz səviyyəsindən təxminən 2.600 metr yüksəklikdə yerləşdiyi üçün havası olduqca sərindir.
Pablo Eskobar Kolumbiya hökumətinin təqibi dayandırması müqabilində ölkənin bütün xarici borclarını ödəməyi təklif etmiş, ancaq onun bu təklifi qəbul edilməmişdir.
Yaponiyada yengəclərə həsr olunmuş yeganə muzey olan Eçizen Yengəc Muzeyinin binasının mərkəzi günbəzi yengəc qabığı şəklində, hər iki tərəfində yerləşən binalar da yengəc ayağı formasında dizayn edilmişdir.