صفحۂ اول

آزاد دائرۃ المعارف جس میں کوئی بھی ترمیم کر سکتا ہے تعداد مضامین_ 230,541 ویکیپیڈیا کا تعارف ترمیم کیسے کریں؟ اردو میں پڑھنا لکھنا دشوار؟ اصول و ضوابط اور دیگر حکمت عملیاں آف لائن نسخہ موبائل ویب سائٹ
منتخب مضمون مالاکنڈ کا محاصرہ، 26 جولائی سے 2 اگست 1897ء تک برطانوی ہند کے شمال مشرقی سرحدی صوبے کے علاقے مالاکنڈ میں برطانوی افواج کے ایک فوجی کیمپ کو اس وقت مقامی پشتون جنگجوؤں کی جانب سے محاصرے کا سامنا کرنا پڑا جب ڈیورنڈ لائن کی وجہ سے بہت سے پشتونوں کی زمین دو ملکوں برطانوی ہند اور افغانستان کے درمیان منقسم ہوکر رہ گئی۔ اس 1519 میل (2445 کلومیٹر) سرحدی تقسیم کو افغان انگریز جنگوں کے بعد بنایا گیا جس کا مقصد برطانوی ہند کو روسی اثرات سے بچانا تھا۔ اس کی وجہ سے پشتون متاثرین میں بے چینی پھیلی اور ایک فقیر سعید اللہ نامی برطانوی افواج کے خلاف کھڑا ہوا اور 10٬000 جنگجوؤں کے ساتھ مالاکنڈ میں برطانوی چھاونی پر حملہ آور ہوا۔ اس جنگ میں برطانوی افواج کی دفاعی حالت انتہائی خراب تھی اور وہ بہت سے چھوٹے ٹکڑوں میں بٹے ہوئے تھے ایک چھوٹی سی چھاونی مالاکنڈ کے جنوب اور ایک چھوٹا قلعہ چکدرہ کے مقام پر واقع تھا اس کے باوجود برطانوی فوجیوں نے اپنے سے کئی گنا بڑے مسلح پشتون دستہ کو چھ دن تک جنگ میں الجھائے رکھا۔  دیگر منتخب مضامین	خبروں میں ہلک ہوگن برمی فوجی افسر اور نائب صدر مائنٹ سوی 74 سال کی عمر میں انتقال کر گئے۔ امریکی پہلوان ہلک ہوگن (تصویر میں) 71 برس کی عمر میں انتقال کر گئے۔ آئی سی سی نے طالبان رہنماؤں ہیبت اللہ اخوندزادہ اور عبدالحکیم اسحاق زئی کو افغانستان میں خواتین پر مبینہ ظلم و ستم کے الزام میں گرفتاری کا حکم جاری کیا۔ پیرو میں ساڑھے تین ہزار سال پرانا گم شدہ شہر پینی کو دریافت کیا گیا ہے۔ حالیہ: غزہ جنگ یوکرین پر روسی حملہ سوڈان تنازع حالیہ وفیات: اوزی اوسبورن یاسمین طاہر مطیع اللہ تراب ربیع المدخلی کیا آپ جانتے ہیں؟ ارنسٹ ٹرمف  • … کہ شاہ جو رسالو کو ارنسٹ ٹرمف نے سب سے پہلے جرمنی سے 1886ء میں شائع کروایا؟  • … کہ غلام علی کے والد نے اپنے بیٹے کا نام غلام علی، مشہور گلوکار استاد بڑے غلام علی خان کے نام پر رکھا؟  • … کہ 756ء میں عبدالرحمٰن الداخل نے جب اندلس فتح کرنے کے لیے مقامی امیر سے جنگ لڑی تو بے سر و سامانی کا عالم یہ تھا کہ فوج کے پاس عَلَم بھی نہ تھا، ایک سپاہی نے نیزے پر سبز عمامہ لپیٹ دیا اور یہی اندلس میں امویوں کا نشان اور علم قرار پایا؟  دیگر "کیا آپ جانتے ہیں" ویکیپیڈیا ایک تحریک کاغذی کے بجائے برقی کتاب، جہاں جگہ کی کوئی قید نہیں ہوتی! آج کا لفظ 11 صرف، ہی اور فقط کا استعمال مثال: صرف نئی تعلیم ہی سماجی شعور پیدا کر سکتی ہے لیکن درست جملہ یوں ہو گا: صرف نئی تعلیم سماجی شعور پیدا کر سکتی ہے اس لیے کہ: صرف اور ہی ایسے لفظ ہیں جو ایک ہی مفہوم کو ادا کرتے ہیں، چنانچہ اگر مذکورہ غلط جملے میں ہی نکال دیا جاتا: صرف نئی تعلیم سماجی شعور پیدا کر سکتی ہے، تب بھی بات مکمل ہو جاتی اور تکرار کا عیب پیدا نہ ہوتا۔ نیز فقط اور ہی ایک ہی مفہوم کو ادا کرتے ہیں، جس طرح صرف اور ہی کو ایک ساتھ نہیں لا سکتے اسی طرح فقط اور ہی کو ایک ساتھ نہیں لانا چاہیے۔ (حوالہ: رشید حسن خان، انشا اور تلفظ، صفحہ31، الفتح پبلی کیشنز، 2010ء راولپنڈی، پاکستان) ويكشنری · فہرست الفاظ کیا آپ بھی لکھنا چاہتے ہیں؟ اردو ویکیپیڈیا پر اس وقت 230,541 مضامین موجود ہیں، اگر آپ بھی کسی موضوع پر مضمون لکھنا چاہتے ہیں تو پہلے اس صفحۂ تلاش پر جا کر عنوان لکھیے اور تلاش کرنے کی کوشش کریں، ممکن ہے آپ کا مطلوبہ مضمون پہلے سے موجود ہو۔ اگر مضمون موجود نہ ہو تو ذیل کے خانہ میں وہ عنوان درج کریں اور نیا مضمون تحریر کریں۔ ویڈیو دیکھیں
منتخب فہرست سابق پاکستانی کرکٹ کھلاڑی ثقلین مشتاق نے بین الاقوامی کرکٹ میں اپنے کیریئر کے دوران میں 19 مرتبہ پانچ وکٹیں حاصل کیں۔ پانچ وکٹوں کا شکار (جسے "پانچ کے لیے" یا "فائفر" بھی کہا جاتا ہے) سے مراد ایک ہی اننگز میں پانچ یا زیادہ وکٹیں لینے والا گیندباز ہے۔ کرکٹ کے ناقدین نے اسے ایک قابل ذکر کامیابی قرار دیا ہے اور 50 سے کم گیند بازوں نے اپنے کرکٹ کیریئر میں بین الاقوامی سطح پر 15 سے زیادہ مرتبہ پانچ وکٹیں حاصل کی ہیں۔ 1995ء اور 2004ء کے درمیان میں اپنے ملک کی نمائندگی کرنے والے دائیں ہاتھ کے آف بریک گیند باز، ثقلین کو بی بی سی نے "آف اسپن بولنگ پر حملہ کرنے کے فن میں ایک انقلاب" کے طور پر بیان کیا۔ ثقلین کو وزڈن نے 2000ء میں سال کے بہترین کرکٹرز میں سے ایک قرار دیا تھا۔  دیگر منتخب فہرستیں
تاریخ آج: جمعہ، 8 اگست 2025 عیسوی بمطابق 13 صفر 1447 ہجری (م ع و) واقعات 1967ء - انڈونیشیا، ملائیشیا، فلپائن، سنگاپور اور تھائی لینڈ نے مل کر جنوب مشرقی ایشیائی اقوام کی تنظیم بنائی۔ 2008ء - بیجنگ اولمپکس کا عوامی جمہوریہ چین میں افتتاح ہوا۔ 2016ء - کوئٹہ کے سول ہسپتال میں دھماکا ہوا جس میں وکلا سمیت 70 افراد شہید ہو گئے اور متعدد زخمی ہوئے۔ سالگرہ 1915ء - بھیشم ساہنی، ہندی ڈراما نگار اور اداکار 1964ء - جوزپے کونٹے، اٹلی کے 58ویں وزیر اعظم 1977ء - محمد وسیم، پاکستانی کرکٹ کھلاڑی برسی 1996ء - نیول فرانسس موٹ، برطانوی طبیعیات دان اور نوبل انعام یافتہ 2003ء - مارتھا چیز، امریکی حیاتی کیمیا دان اور نوبل انعام یافتہ 2022ء - اولیویا نیوٹن-جان، برطانوی-آسٹریلوی گلوکارہ، نغمہ نگار اور اداکارہ → پچھلا دن – اگلا دن ← اگست کے منتخب واقعات – مزید ایام۔۔۔
ویکیپیڈیا کا حصہ بنیں! ویکیپیڈیا ایک آزاد اور کثیر لسانی دائرۃ المعارف ہے جس میں ہم سب مل جل کر لکھتے ہیں اور مل جل کر اس کو سنوارتے ہیں۔ ویکیپیڈیا کا آغاز جنوری سنہ 2001ء میں ہوا، جبکہ اردو ویکیپیڈیا کا اجرا جنوری سنہ 2004ء میں عمل میں آیا۔ اس وقت اردو ویکیپیڈیا میں 230,541 مضامین موجود ہیں۔ ہمارے ساتھ شامل ہوں اگر آپ کا کھاتہ پہلے سے ہے تو براہ کرم لاگ ان ہوں کیا آپ نے ابھی تک کھاتہ نہیں بنایا؟_ابھی بنائیں

---

ہمارے ساتھ سماجی روابط کی ویب سائٹس پر شامل ہوں: اور

---

ویکیپیڈیا صحت ومعتبریت کی کوئی ضمانت فراہم نہیں کرتا۔ ویکیمیڈیا فاؤنڈیشن ویکیپیڈیا پر موجود مواد کی صحت کا ذمہ دار نہیں ہے۔ ہر ترمیم کنندہ خود اپنی ترمیم کا ذمہ دار ہے۔

مدد کی ضرورت ہے؟ ہم سے رابطہ کریں!